Lambasalat

Ég er stundum með kjúklingasalat, en í kvöld langaði mig að gera eitthvað öðruvísi. Mér til mikillar undrunar þá á er myntuplantan mín úti á svölum ennþá með lifandi blöðum á og steinseljan útí garði alveg sprelllifandi Ég fann uppskrift hér sem ég breytti að mínum sérþörfum og því sem var til á heimilinu. Þessi uppskrift dugði okkur tveim og í einn nestispakka.

• 300g Innanlærisvöðvi
• 1 tsk cummen
• salt og pipar

Steikti vöðvann að utan til að loka kjötinu.  Skellti því svo inní ofn á ca 70°C í um 45 mín. Ég nota kjöthitamæli þegar ég elda og stillti hann bara á 58°C og lét svo standa í ca 10 mín.

Dressing

• 2 tsk sítrónusafi
• 2 tsk hunang
• 1,5 msk olífuolía
• 2 hvítlauksrif
• 1 msk granatepli

Allt sett í miniblandara til að blanda saman.

Salatið

• Salat 2/3 poki (Gullfoss blandan)
• 1/2 gul paprika
• 1/2 búnt vorlaukur
• 1/2 lúka steinselja
• 1/4 lúka mynta (eða það sem var ennþá lifandi útá svölum)
• 1 tómatur
• 1/2 granatepli
• 1/2 piparostur – skorinn í teninga

Allt skorið niður og lagt fallega á diskinn. Steinseljuna og myntuna klippti ég niður svo að það væri í bakgrunni í salatinu. Ég hefði kannski viljað bæta við gúrku, en þetta var samt hrikalega gott

About these ads